(noticias 4.12.2020) O Concello de Mos aproba os orzamentos para 2021 co rexeitamento e importantes críticas da oposición
A partida orzamentaria adicada á amortización de débeda pública ascende a máis de 1.300.000 euros. A oposición concorda en criticar a falta de realismo na composición das contas e a continuidade dunha xestión irresponsábel. O Pleno do Concello de Mos aprobou onte, co único apoio do PP, o orzamento para 2021. BNG, PSdeG e GañaMos opuxéronse, mentres que a concelleria non adscrita, anterioremente no grupo socialista, abstívose na votación. O debate decorreu con certa tensión por mor do control estrito nos tempos de intervención dos grupos da oposición, para o cal se dispuxo por primeira vez dun contador, se ben a alcaldesa fixo uso da palabra por tempo ilimitado. As contas da administración mosense para 2021 están marcadas polo importante esforzo que, unha vez máis, terá que ser realizado para facer fronte ás débedas bancarias contraídas nos anos anteriores. Neste sentido, o Concello asegura que a “débeda cero” será unha realidade paro o ano 2023, á vez que reitera o seu orgullo por